اللي يدخل مستشفي النجار يخلي باله من نفسه

لقد قامت اختي بعمليه في مستشفي النجار التخصصي في طنطا شارع النحاس والغريب اننا لما تركناهم الساعه واحده بالليل فوجئنا بيهم الساعه 5 صباحا يتصلون بنا ويقولوا ان فيه شخص فتح عليهم الغرفه وسرق الموبايلات بتاعتهم وكان علي وشك انه يسرق الفلوس اللي معاهم ولكن قدر ربنا ان اختي المريضه تستيقظ وتلاقي واحد امام الباب وبينظر اليها منتظرها تنام تاني علشان يقدر يسرق الشنطه بتاع امها
طيب دي مستشفي خصوصي ومنين الحرامي ده عرف ان دول اتنين ستات لوحدهم مفيش معاهم رجل
وازاي يفتح عليهم باب الغرفه وهم نايمين فين اداره المستشفي وفين الامن ويا تري لو كان جري لهم حاجه اكتر من كده مين هيكون المسئول الغريبه ان مدير المستشفي الدكتور فريد النجار لما علم بالواقعه يقول انا ماليش دعوه بلغوا الشرطه
ياناس هو الواحد ماعدش يامن علي نفسه في اي مكان ولا ايه
علشان كده بحذر اي شخص من التعامل مع المستشفي دي او علي الاقل تاخدوا يالكم لان الموضوع والله اعلم معمول بمعرفه حد من المستشفي والايام هتظهر كل شيئ
اللي مجنني ان الحرامي قاصد الغرفه وعدي علي اربع غرف قبلها وماحاولش يدخلها
مش غريبه انه يكون عارف كل التفاصيل دي وهما يادوب كانت اول ليله ليهم في المستشفي وطبعا كانت الاخيره بالرغم ان حاله البنت كانت تستدعي ليله اخري بالمستشفي الا اننا رفضنا تماما نقضي ليله اخري طبعا مش عارفين ايه اللي ممكن يحصل تاني ومش هاقولكم اد ايه البنت اصبحت مرعوبه وتنام تحلم بالحرامي وعينه في عنيها ونسيت اقول ان امها خرجت ورا الحرامي مباشره ولكنه اختفي في ثانيه
وطبعا عملنا محضر بالواقعه وحسبي الله ونعم الوكيل

» اللى نظره 6/6 يدخل هنا ويدينا رأيه
» جميع اغاني تامر عاشور - اللي سمعتها واللي مسمعتهاش